Aktual mövzular: Dollar alış-satışı, Neftin qiyməti, COP29, Hava proqnozu

Dövlət orqanlarında çalışan bu işçilərin də maaşları artırıldı

Tarix: 17 Yanvar 2022 11:36

Nazirlər Kabineti "Dövlət qulluğu ilə bağlı bəzi məsələlərin tənzimlənməsi haqqında" qərarında dəyişiklik edib.

Sonxeber.net xəbər verir ki, qərara əsasən, dövlət orqanlarında çalışan dövlət qulluqçusu olmayan işçilərin (xadimə, dalandar, bağban, gözətçi, ocaqçı, ixtisas dərəcəsi olmayan fəhlə və s.) aylıq vəzifə maaşları 2022-ci il yanvarın 1-dən aşağıdakı məbləğdə müəyyən edilib:

Sıra №-si		Aylıq vəzifə maaşının məbləği (manatla)
1.	Ali kateqoriya dövlət orqanlarında	370
2.	1-ci kateqoriya dövlət orqanlarında	355
3.	2-ci və 3-cü kateqoriya dövlət orqanlarında	335
4.	4-cü və 5-ci kateqoriya dövlət orqanlarında	315

Həmin işçilərin mükafatlandırılması məqsədilə hər il növbəti il üçün təsdiq edilən dövlət büdcəsində onların çalışdıqları dövlət orqanlarında həmin işçilər üçün müəyyən olunmuş aylıq vəzifə maaşının 3 misli həcmində əlavə vəsaitlər nəzərdə tutulur.

Bu Qərar 2022-ci il yanvarın 1-dən tətbiq edilir.

Qeyd edək ki, bundan əvvəl həmin işçilərin aylıq vəzifə maaşları aşağıdakı məbləğdə olub:

*Sıra* *№-si*		*Aylıq vəzifə maaşının məbləği* *(manatla)*
1.	Ali kateqoriya dövlət orqanlarında	310
2.	1-ci kateqoriya dövlət orqanlarında	295
3.	2-ci və 3-cü kateqoriya dövlət orqanlarında	280
4.	4-cü və 5-ci kateqoriya dövlət orqanlarında	260