Aktual mövzular: Dollar alış-satışı, Neftin qiyməti, COP29, Hava proqnozu

İsrail aviaşirkəti qəzadan sonra Moskvaya uçuşları dayandırdı

Tarix: 26 Dekabr 2024 22:42

İsrail aviaşirkəti Azərbaycan təyyarəsinin qəzaya uğramasından sonra Tel-Əvivdən Moskvaya uçuşları dayandırıb.

Sonxeber.net xəbər verir ki, bu barədə aviaşirkətin mətbuat xidmətindən "9-cu Kanal"a məlumat verilib.

"Rusiyanın hava məkanında baş verən hadisələrlə əlaqədar olaraq "El-Al" Tel-Əviv - Moskva marşrutu üzrə bütün reysləri dayandırır", - məlumatda deyilir.

Qeyd edilib ki, gələn həftə vəziyyətin yenidən qiymətləndirilməsi aparılacaq, daha sonra uçuşların bərpası barədə qərar qəbul ediləcək və sərnişinlər tezliklə xəbərdar ediləcəklər.

Qeyd edək ki, dekabrın 25-də Qazaxıstanda Bakıdan Qroznıya uçan AZAL-ın sərnişin təyyarəsi qəzaya uğrayıb, nəticədə 38 nəfər ölüb. (APA)

Whatsapp ilə göndər