''O, sağ çıxmasa, bunu özümə bağışlamayacağam''

Tarix: 30 Iyul 2025 17:45

Aparıcı Vüsalə Kərimova atası, Əməkdar artist Vaqif Kərimovla barışıb.

Sonxeber.net xəbər verir ki, bu barədə o, "Pərvizə görə"də açıqlama verib. Vüsalə deyib ki, atası ilə anası əməliyyat olunanda əlaqə saxlayıb:

"Küsülü deyilik, amma hər gün danışmırıq. Məclislərdə, tədbirlərdə haradasa rastlaşsaq, görüşürük. Hər gün gedib-gələk, ya da telefonla danışaq kimi ünsiyyətimiz yoxdur. Küsülü də deyilik. Anam əməliyyata gedən ərəfədə anamı bağışladım. Kimsə məni pis kimi görə bilər, amma mən heç kəsə pislik edən insan deyiləm. Düşünürdüm ki, heç kəsə pislik etmirəm, kiminsə qarşısını kəsmirəm. Balaca, ya böyük, amma öz dünyam var. Fikirləşirdim ki, niyə başıma pis nələrdə gəlsin? Sonra  dedim ki, yəqin səhvim atamı bağışlamamağımdır. Anam əməliyyata gedəndə düşündüm ki, o, sağ çıxmasa, bunu özümə bağışlamayacağam.  Fikirləşdim ki, mən səhvimə görə bu acını yaşayıram. Anam əməliyyata girməzdən əvvəl atama mesaj yazdım, dedim, Allaha xatir səni bağışlayıram. Əlbəttə buna çox sevindi. Ona izah etdim ki, ağır bir yola çıxmışam, anam əməliyyata gedir, ordan sağ çıxmasa, bunu özümə bağışlamayacağam. Ona görə səni bağışlayıram. Bağışlamaq o demək deyil ki, o, hər gün bizə gəlir, ya mən onun evinə gedirəm. Sadəcə o insana qarşı kinim yoxdur, sorğu-sual etmirəm. Hər şeyi axarına buraxıb, bağışlamışam. Xeyirdə-şərdə, ailə məclislərində görüb hal-əhval tuturam, görməyəndə də görmürəm".

Qeyd edək ki, aparıcının atası ilə anası uzun illər əvvəl ayrılmış, V. Kərimova atası ilə danışmadığını, hətta uşaqlıq illərindən onunla görüşmədiyini açıqlamışdı.