Unudulmaz Maestro Vaqif Mustafazadə – caz ulduzlarının iştirakı ilə möhtəşəm konsert Bakıda - VİDEO - FOTO

Tarix: 7 Dekabr 2025 21:13

Jolli Joker klubunda "Unudulmaz Maestro" konserti baş tutdu. Tədbir, 85 illik yubileyinə həsr olunmuş, Dövlət mükafatı laureatı, caz-muğam üslubunun banisi və əfsanəvi pianoçu və bəstəkar Vaqif Mustafazadəyə ithaf olunmuşdu.

Konsertin ilk dəqiqələrindən zal xüsusi bir atmosferlə doldu: caz həvəskarları, musiqi məhəbbətləri və gənc dinləyicilər böyük ustadın xatirəsini yad etmək üçün toplaşmışdılar. Vaqif Mustafazadə Xeyriyyə Fondu tərəfindən Afaq Əliyevanın rəhbərliyi ilə təşkil olunan bu gecə yalnız konsert yox, həm də böyük musiqi bayramı və dünya caz tarixində öz adını əbədi yazmış dahi musiqiçinin irsinə hörmətin ifadəsi oldu.

İlk anlardan aydın oldu ki, bu, xüsusi bir hadisədir. Müxtəlif nəsillərin caz həvəskarlarının toplandığı zal sakit bir gözləmə ilə doldu: hər kəs canlı caz-muqam sehrini hiss etmək üçün gəlmişdi, hansını ki, bir zamanlar özü Maestro yaratmışdı. Hava hörmət və heyranlıq ruhu ilə dolmuşdu, caz ritmləri isə sanki öz möhtəşəm çıxışlarını əvvəlcədən elan edirdi.

Gecənin proqramı rəngarəng və zəngin oldu. Səhnədə Azərbaycan və dünya caz ulduzları, bəstəkarlar və pianoçular, həm solo, həm də kollektivləri ilə çıxış etdilər: Əməkdar artisti Rəşad Həşımovun rəhbərliyi altında RAST qrupu, Əməkdar artisti Şahin Növrəslı və gənc xanəndə Murad Nabizadə, Əməkdar artisti Emil Əfrasiyab, "Avroviziya" iştirakçısı, "O Səs Türkiyə" müsabiqəsinin qalibi Elnur Hüseynov, "Avroviziya" iştirakçısı Aisel və saksafon ifaçısı Teymur Süleymanbəylinin müşayiəti ilə. Xüsusi olaraq xaricdən gəlmişdilər: Ruslan Ağababayev (ABŞ) və Etibar Əsədli (Fransa). Artislərin çıxışları rəngarəng instalyasiyalar fonunda baş tutdu və bu, gecəyə xüsusi bir gözəllik qatdı.

Gecə çərçivəsində həmçinin Azərbaycan Rəssamlar İttifaqının üzvü Bahram Xəlilovun Vaqif Mustafazadənin musiqisindən ilhamlanaraq yaratdığı tablolar sərgisi təqdim olundu. Hər tablo sanki musiqi motivlərini əks etdirirdi: caz rəssamlığa, rəssamlıq isə musiqi duyğularına çevrilirdi.

Hər çıxış Maestro irsi ilə musiqiçilər arasında canlı dialoqa çevrilirdi. Tamaşaçılar caz-muqam sehrinə tamamilə qərq olur, improvizasiya və klassik ustalığın harmoniyasından zövq alırdılar. Zal artistləri ayaq üstə alqışladı, Vaqif Mustafazadənin musiqisi isə hər zamanki kimi yenidən ürəkləri ilhamlandırdı və nəsilləri birləşdirdi.