Aktual mövzular: Dollar alış-satışı, Neftin qiyməti, COP29, Hava proqnozu

İcra hakimiyyətindən ''Yasamal gölü'' ilə bağlı AÇIQLAMA (FOTO)

Tarix: 28 Iyul 2020 10:54

Bakı. Ceyhun Ələkbərov - Trend:

Bakının ekoloji baxımdan ən görməli yerlərindən biri olan "Yasamal gölü"nün taleyi nəhayət həll olunub.

Sakinlərdən Trend-ə verilən məlumata görə, rayon İcra Hakimiyyəti onlarla görüş keçirib.

Su hövzəsinin ərazisində yaşayış binasının tikintisinə yenidən başlanılması ilə bağlı söz-söhbətlərə son qoyulub və hətta ərazidə tikintidən qalan tullantılar oradan çıxarılaraq abadlıq işlərinə başlanılıb. Sakinlərə söz verilib ki, su hövzəsi əvvəlki vəziyyətinə qaytarılacaq.

Məsələni dəqiqləşdirmək üçün Yasamal Rayon İcra Hakimiyyəti ilə əlaqə saxladıq. İcra Hakimiyyətindən faktı təsdiqləyərək bildirdilər ki, "Yasamal gölü" abadlaşdırılaraq sakinlərin xeyrinə işlər görüləcək:

"Orada abadlıq işləri aparılacaq. Sonda tikinti olan ərazidə əlverişli şərait yaradılacaq".