Aktual mövzular: Dollar alış-satışı, Neftin qiyməti, COP29, Hava proqnozu

Avrokuboklarda Azərbaycan üçün bir ilk

Avrokuboklarda Azərbaycan üçün bir ilk

Tarix: 10 Avqust 2020 15:50

Avropa kuboklarında 2020/21 mövsümü Azərbaycan üçün bir maraqlı məqamla da yadda qalacaq.

Qol.az-ın xəbərinə görə, tarixdə ilk dəfə olaraq, bir mərhələdə 4 klubumuzdan 3-ü eyni ölkənin təmsilçisi ilə qarşılaşacaq.

Məlum olduğu kimi, Çempionlar Liqasının birinci təsnifat mərhələsində “Qarabağ” Şimali Makedoniyanın "Sileks" komandası ilə görüşəcək. UEFA-nın qərarından sonra bu matç avqustun 18 və ya 19-da Bakıda olacaq.

Bu gün isə Avropa Liqasını püşkatması zamanı Şimali Makedoniyanın daha 2 komandası bizə rəqib olub. “Şkupi” “Neftçi”, “Şkendiya” isə “Sumqayıt”la qarşılaşacaq. Digər təmsilçimiz “Keşlə” isə Albaniyanın “Laçi” klubu ilə üz-üzə gələcək.

Qeyd edək ki, dörd klubumuzun hər birinin iştirakı ilə mərhələnin bir oyundan ibarət matçları Azərbaycanda keçirilməlidir. Avroliqada oyunlar avqustun 27-də gerçəkləşəcək. Lakin mövcud qaydalara əsasən, bir şəhər eyni gündə turnirin iki oyununu qəbul edə bilməz. Ona görə də istisna deyil ki, komandalarımızdan birinin iştirakı ilə oyun ya digər şəhərdə keçirilsin, ya da başqa gün təşkil olunsun.

 


Etiketlər:  Avrokuboklarda Azərbaycan üçün


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ