Aktual mövzular: Dollar alış-satışı, Neftin qiyməti, COP29, Hava proqnozu

Rumıniya Azərbaycanla enerji sahəsində əməkdaşlığın genişləndirilməsi üçün danışıqları bərpa etmək istəyir

Rumıniya Azərbaycanla enerji sahəsində əməkdaşlığın genişləndirilməsi üçün danışıqları bərpa etmək istəyir

Tarix: 11 Avqust 2020 21:08

Rumıniya "Cənub Qaz Dəhlizi"nin son seqmentinin tikintisinin başa çatmaqda olduğunu nəzərə alaraq ümumi epidemioloji vəziyyət imkan verən kimi Azərbaycan tərəfi ilə danışıqları bərpa etmək niyyətindədir.

Sonxeber.net bildirir ki, bunu Trend-ə Rumıniya İqtisadiyyat, Energetika və Biznes mühiti Nazirliyinin dövlət katibi Nikulae Havrilet deyib.

O bildirib ki, Rumıniya və Azərbaycan çox möhkəm enerji tərəfdaşlığına malikdir və bu tərəfdaşlıq ölkələr arasında strateji əlaqələrin tərkib hissəsidir.

Dövlət katibinin sözlərinə görə, Rumıniya Azərbaycanın Avropaya qaz tədarükünün təhlükəsizliyin təmin olunmasında vacib rolunu qəbul edir: "Rumıniya əvvəldən "Cənub Qaz Dəhlizi"nin daimi və qəti tərəfdarı olub. Bu layihə artıq sona çatmaq üzrədir və şübhəsiz ki, Avropa bazarına tədarük mənbələrinin və marşrutlarının şaxələndirilməsi üçün vacib əhəmiyyət daşıyır".

N.Havrilet qeyd edib ki, Rumıniya öz növbəsində Bolqarıstan-Rumıniya-Macarıstan-Avstriya (BRUA) boru kəmərinin tikintisi layihəsini reallaşdırmaqla enerji infrastruktur layihələri xəritəsində öz mövqeyini möhkəmləndirəcək.


Etiketlər:  Rumıniya Azərbaycanla enerji sahəsində əməkdaşlığın genişləndirilməsi üçün danışıqları bərpa etmək istəyir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ