Aktual mövzular: Dollar alış-satışı, Neftin qiyməti, COP29, Hava proqnozu

Çin və İtaliyadan gələn həkimlər ödənişli əsaslarla fəaliyyət göstərmirlər - Operativ Qərargah

Tarix: 15 Avqust 2020 12:14

TƏBİB: Çin və İtaliyadan gələn həkimlər ödənişli əsaslarla fəaliyyət göstərmirlər
Bakı. İlhamə İsabalayeva - Trend:
Koronavirusla mübarizəyə dəstək məqsədilə Çin və İtaliyadan ölkəmizə gələn həkimlər ödənişli əsaslarla fəaliyyət göstərmirlər.
Trend-in məlumatına görə, bunu Nazirlər Kabineti yanında Operativ qərargahın brifinqində Tibbi Ərazi Bölmələrini İdarəetmə Birliyinin (TƏBİB) Xəstəliklərin kontrolu və profilaktikası şöbəsinin müdiri Yaqut Qarayeva deyib.
Onun sözlərinə görə, Çin və İtaliyadan həkimlər Azərbaycana ölkələrarası əməkdaşlıq şəraitində ölkəmizə səfər ediblər: “Ancaq xaricdən uzun müddət çalışmaq üçün gələn həkimlər də var. Biz TƏBIB olaraq,onların tibbi baxımından fəaliyyətlərinin qiymətləndirilməsi ilə məşğul oluruq. Amma bu həkimlərin maddi təminatı ilə suala cavab verə bilmərəm”.

Whatsapp ilə göndər