''Neftçi'' və ''Sumqayıt''ın rəqibindən qələbə

Tarix: 16 Avqust 2020 21:16

Şimali Makedoniya çempionatında 2-ci turun oyunları keçirilib.
 
Qol.az xəbər verir ki, Avropa Liqasının 1-ci təsnifat mərhələsində “Neftçi” və “Sumqayıt”ın rəqibləri - "Şkupi” ilə “Şkendiya” da növbəti matçlarına çıxıb.
 
“Şkupi” evdə “Makedoniya GP” üzərində 3:1 hesablı qələbə qazanıb. “Şkendiya” isə öz meydanında “Ştruqa”nı 2:0 hesabıyla məğlub edib.
 
Bu qələbələrdən sonra xallarının sayını 4-ə çatdıran “Şkupi” 2-ci, “Şkendiya” 3-cü pillədə qərarlaşıb. Turnir cədvəlinə eyni xala malik, "Qarabağ"ın Çempionlar Liqasındakı rəqibi “Sileks” rəhbərlik edir.
 
Qeyd edək ki, “Qarabağ” “Sileks”i avqustun 18-də qəbul edəcək. “Neftçi” – “Şkupi” və “Sumqayıt” – “Şkendiya” oyunları isə avqustun 27-də keçiriləcək.