Aktual mövzular: Dollar alış-satışı, Neftin qiyməti, COP29, Hava proqnozu

Postpandemiya dövründə turizm fəaliyyətinə dəstək üçün yeni layihəyə start verilib

Postpandemiya dövründə turizm fəaliyyətinə dəstək üçün yeni layihəyə start verilib

Tarix: 8 Sentyabr 2020 16:40

Bakı. İlhamə İsabalayeva - Trend:

Azərbaycan Turizm Bürosu ölkəmizdə gəlmə turizmi ilə məşğul olan şirkətlərə postpandemiya dövründə fəaliyyətlərinə dəstək olmaq, həmçinin bu sahədə innovativ və rəqəmsal yanaşmanı inkişaf etdirmək məqsədilə yeni layihəyə start verib.

Dövlət Turizm Agentliyindən Trend-ə verilən məlumata görə, proqramın əsas məqsədi turizm destinasiyası kimi Azərbaycan və onun turizm imkanları haqqında məlumatların onlayn rejimdə rəqəmsal platformalarda yerləşdirilməsini təmin edən layihələrə dəstək göstərilməsidir.

Layihə Azərbaycan Turizm Agentlikləri Assosiasiyası (ATAA) və Azərbaycan Turizm Assosiasiyası (AZTA) ilə birgə həyata keçirilir.

Proqram yalnız xüsusi meyarlara cavab verən gəlmə turizmi ilə məşğul olan şirkətlər və 25 sentyabradək qeydiyyatdan keçirilən layihələr üçün nəzərdə tutulub. Müraciətlər yeni layihələrlə, həmçinin mövcud olan onlayn layihələrə əlavə kimi və ya hazır platformaların təkmilləşdirilməsi ilə bağlı ola bilər.

Müraciət və iştirak meyarları barədə ətraflı məlumat üçün https://tourismboard.az/az/page/522-reqemsallasdirilma-layihesi keçidinə daxil ola bilərsiniz.


Etiketlər:  Postpandemiya dövründə turizm fəaliyyətinə dəstək üçün yeni layihəyə start verilib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ