''Sumqayıt''dan qələbə, ''Qəbələ'' ''Keşlə'' ilə heç-heçə etdi - Yenilənib

Tarix: 19 Sentyabr 2020 21:12

Bu gün Azərbaycan Premyer Liqasında 3-cü tura start verilib.

Qol.az xəbər verir ki, ilk oyun günü üçün nəzərdə tutulan 2 matç keçirilib.

Əvvəlcə "Qəbələ" doğma meydanda "Keşlə"ni qəbul edib. Görüşdə hesab açılmayıb- 0:0.

Günün son oyununda isə "Sumqayıt" "Səbail"lə qarşılaşıb. 9-cu dəqiqədə Süleyman Əhmədovun hesabı açmasıyla Gənclik şəhəri təmsilçisi önə keçib. Rəqibin futbolçusu Rauf Əliyev 21-ci dəqiqədə bərabərləşdirsə, Əli Qurbani 32-ci dəqiqədə "Sumqayıt"ın qələbə qolunu vurub- 2:1.

Qeyd edək ki, tura sabah keçiriləcək 2 oyunla yekun vurulacaq. 19 sentyabr

19:15. "Sumqayıt" - "Səbail" 2:1

Qollar: Süleyman Əhmədov, 9 (1:0), Rauf Əliyev, 21 (1:1), Əli Qurbani, 32 (2:1)

Hakimlər: Orxan Məmmədov, Elşad Abdullayev, Vüqar Bayramov, Rauf Allahverdiyev
"Kapital Bank Arena"
 
17:00. "Qəbələ" - "Keşlə" 0:0

Qırmızı vərəqə: Nikolas Raysel, 67 ("Qəbələ", ikinci sarı vərəqə)

Hakimlər: Rəşad Əhmədov, Rahil Ramazanov, Cavanşir Yusifov, Rəhim Həsənov
Qəbələ şəhər stadionu

20 sentyabr (bazar)

18:00. “Zirə” – “Sabah”
Zirə İdman Kompleksinin stadionu

20:15. “Qarabağ” – “Neftçi”
“Azərsun Arena”