Ukraynada hərbi təyyarənin qəzaya uğraması nəticəsində ölənlərin sayı artıb (VİDEO) (ƏLAVƏ OLUNUB 3)

Tarix: 26 Sentyabr 2020 01:25

Bakı. Trend:

Ukraynanın Xarkov vilayətində göyərtəsində kursantların olduğu "An-26" hərbi nəqliyyat təyyarəsinin qəzaya uğraması nəticəsində ölənlərin sayı artıb.

Trend-in "TASS"a istinadən verdiyi məlumata görə, təyyarənin göyərtəsində 27 nəfər olub, qəza nəticəsində onlardan 25-i ölüb, 2-si isə yaralanıb.

XXX

00:27

Ukraynanın Xarkov vilayətində göyərtəsində kursantların olduğu "An-26" hərbi nəqliyyat təyyarəsi qəzaya uğrayıb.

Trend-in "TASS"a istinadən verdiyi məlumata görə, bu barədə Ukrayna Silahlı Qüvvələrinin Hava Qüvvələri Komandanlığının mətbuar xidmətindən bildiriblər.

Məlumata əsasən, təyyarənin göyərtəsində 28 nəfər olub. Qəza nəticəsində 22 nəfər həlak olub, 2 nəfər xəsarət alıb, daha 4 nəfərin axtarışları davam etdirilir.

XXX

23:29

Ukraynanın Xarkov vilayətində göyərtəsində kursantların olduğu "An-26" hərbi nəqliyyat təyyarəsi qəzaya uğrayıb.

Trend-in "TASS"a istinadən verdiyi məlumata görə, bu barədə Ukrayna Silahlı Qüvvələrinin Hava Qüvvələri Komandanlığının mətbuar xidmətindən bildiriblər.

Məlumata əsasən, təyyarənin göyərtəsində 18 kursant və 5 heyət üzvü olub. Qəza nəticəsində 20 nəfər həlak olub.

Fövqəladə Hallar üzrə Dövlət Xidməti, öz növbəsində, 22 nəfərin öldüyünü açıqlayıb.

XXX

22:52

Ukraynanın Xarkov vilayətində hərbi təyyarə qəzaya uğrayıb.

Trend-in "TASS"a istinadən verdiyi məlumata görə, təyyarənin qəzaya uğraması nəticəsində ölənlər və yaralananlar var. Ukrayna Hərbi Hava Qüvvələrinin Komandanlığı hadisəni təsdiqləyib.

Bildirilir ki, "An-26" hərbi nəqliyyat təyyarəsinin göyərtəsində kursantlar olub.

Digər təfərrüatlar barədə məlumat verilmir.