Aktual mövzular: Dollar alış-satışı, Məzənnə, Neftin qiyməti

Abxaziyalı separatçı Dağlıq Qarabağa muzdlu dəstə yollayır (FOTO)

Tarix: 6 Noyabr 2020 16:52

Bakı. Trend:

Donbasdakı fəaliyyəti ilə tanınmış terrorçu Axra Avidzba (Abxaz) etnik ermənilərdən ibarət qrup toplayaraq Qarabağda döyüşlərə yollanacağını bildirib.

Trend-in məlumatına görə, bu barədə rusiyalı hərbi jurnalist Aleksandr Kots bildirib.

O qeyd edib ki, Axra Avidzba Abxaziyadan olan etnik ermənilərdən qrup toplayıb. Onlar bu günlərdə Qarabağda döyüşmək üçün yola düşəcəklər. Hələlik qruplaşmanın neçə nəfərdən ibarət olacağı barədə məlumat yoxdur.

Sosial şəbəkə üzvləri isə “etnik ermənilər”in fotoları çəkilən yerə diqqət etdikdə oranın Rusiyanın Soçi şəhəri olduğunu bildiriblər. Qeyd olunub ki, Rusiya Ermənistanı Qarabağ münaqişəsində dəstəkləmir və həmin şəxslər etnik erməni deyil, əsl muzdlulardır.