Aktual mövzular: Dollar alış-satışı, Məzənnə, Neftin qiyməti

"Prezident İlham Əliyevin azad edilmiş ərazilərə səfəri xalqa, Vətənə bağlılığının əyani sübutudur"

Tarix: 17 Noyabr 2020 17:33

Cənab Prezident qalib Baş Komandandır. Füzuli və Cəbrayıla da qalib kimi gedib və oradakı vəziyyətlə şəxsən tanış olub, mövcud şəraiti yerində dəyərləndirib. Bu həm mənəvi, həm də psixoloji anlamda çox önəmli və ciddi bir hadisədir. Çünki cənab Prezidentin məlum səfəri insanlarda, bölgədə böyük ruh yüksəkliyi yaratdı. Qələbənin əsas memarı olan İlham Əliyev Qarabağda böyük coşqu ilə qarşılandı.

Milli.Az bildirir ki, bunu Trend-ə Milli Məclisin deputatı Elşən Musayev deyib.

Deputat bildirib ki, müharibə yeni bitib, bu baxımdan bölgə hələ də təhlükəli hesab olunur. Amma Prezident İlham Əliyev hər şeyi gözə alaraq və əsl Ali Baş Komandan şücaəti göstərərək tez bir zamanda məlum səfəri reallaşdırdı:

"Bu faktın özü ölkə rəhbərinin xalqa, insanlara, orduya, vətənə necə bağlı olmasının əyani sübutudur.

Prezident İlham Əliyevin Qarabağ bölgəsində söylədiyi fikirlər, verdiyi mesajlar bir daha onu göstərir ki, xalqla lider arasında olan birlik bütün maneələri aşmağa qadirdir, bütün qələbələrin açarıdır, bütün gözəl günlərin və xoş gələcəyin qarantıdır, müjdəsidir. Eşq olsun qalib Baş Komandana. Qarabağ Azərbaycandır!"

Milli.Az


Etiketlər:  Prezident İlham Əliyevin azad edilmiş ərazilərə səfəri xalqa Vətənə bağlılığının əyani sübutudur


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ