Aktual mövzular: Dollar alış-satışı, Neftin qiyməti, COP29, Hava proqnozu

Vətən müharibəsi dövründə psixoloji sarsıntı keçirən ailələr diqqət mərkəzində saxlanılır (FOTO)

Vətən müharibəsi dövründə psixoloji sarsıntı keçirən ailələr diqqət mərkəzində saxlanılır (FOTO)

Tarix: 6 Dekabr 2020 13:38

Bakı. Trend:

Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyi şəhid ailələri, müharibədə yaralanmış şəxslər və onların ailə üzvlərinə psixoloji dəstək tədbirlərini davam etdirir.

Nazirlikdən Trend-ə verilən məlumata görə, psixoloq və psixiatrlardan ibarət qruplar son günlərdə 712 ailə ilə görüşüblər. Psixoloji dəstək tədbirlərinə ehtiyacı olan ailələrə psixokorreksiya işləri üzrə seanslar keçirilir. Həmçinin ilkin diaqnostikadan sonra bir çox şəxslərə ehtiyaclarına uyğun ödənişsiz dərman preparatları verilib.

Noyabrlın 19-dan fəaliyyətə başlayan “Onlayn psixoloji dəstək xidməti”nə (050 406 75 85) isə 200-yə yaxın zəng daxil olub. Müraciətlərin məzmununa uyğun olaraq psixoloqlar vətəndaşlara dəstək yönümlü xidmətlər göstəriblər. Hazırda bu istiqamətdə işlər davam etdirilir.

Xatırladaq ki, 44 günlük müharibə dövründə də Agentlik erməni təxribat və terrorundan zərər çəkən şəxslərlə, ailələrlə görüşərək, onlara ehtiyac duyduqları psixoloji xidmətləri göstərib. Həmçinin ailələrin sosial vəziyyətləri qiymətləndirilib, ehtiyac duyduqları sosial dəstək tədbirləri müəyyənləşdirilib.

Vətən müharibəsi dövründə psixoloji sarsıntı keçirən ailələr diqqət mərkəzində saxlanılır (FOTO) - Gallery Image Vətən müharibəsi dövründə psixoloji sarsıntı keçirən ailələr diqqət mərkəzində saxlanılır (FOTO) - Gallery Image


Etiketlər:  Vətən müharibəsi dövründə psixoloji sarsıntı keçirən ailələr diqqət mərkəzində saxlanılır FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ