Aktual mövzular: Dollar alış-satışı, Neftin qiyməti, COP29, Hava proqnozu

Türkiyədə saxlanılan rus jurnalistlər deportasiya edildilər

Türkiyədə saxlanılan rus jurnalistlər deportasiya edildilər

Tarix: 8 Dekabr 2020 12:20

Türkiyədə saxlanılan Rusiyanın "NTV" kanalının jurnalistləri deportasiya olunublar.

Sonxeber.net qafqazinfo-ya istinadən xəbər verir ki, sözügedən telekanalın Mətbuat xidməti keçən həftə İstanbulda saxlanılan jurnalistlərin Rusiyaya uçduqları barədə məlumat yayıb.

""Mərkəzi Televiziya" proqramının işçiləri olan həmkarlarımız Aleksey Petruşko və İvan Malışkin artıq Moskvadadırlar. Gecə uçuşuyla gəldilər. Hər şey qaydasındadır. Yardımlarına görə Rusiya Xarici İşlər Nazirliyinə, Rusiyanın Ankaradakı səfirliyinə və Rusiyanın Baş konsulluğuna təşəkkür edirik. Əlbəttə ki, bu günlərdə bizi dəstəkləyən KİV orqanlarına da minnətdarıq", - məlumatda qeyd olunub.

Xatırladaq ki, dekabrın 4-də Rusiyanın "NTV" telekanalının müxbiri Aleksey Petruşko, operator İvan Malışkin və Azərbaycan əsilli Türkiyə vətəndaşı Aytac Carçıyeva Türkiyənin İstanbul şəhərində PUA istehsal sahələrinin icazəsiz çəkilişi zamanı saxlanılıblar.

Dekabrın 7-də Baş Prokurorluqda ifadə verdikdən sonra sərbəst buraxılıblar.


Etiketlər:  Türkiyədə saxlanılan jurnalistlər deportasiya edildilər


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ