Aktual mövzular: Dollar alış-satışı, Neftin qiyməti, COP29, Hava proqnozu

''Mançester Yunayted'' Sulşerlə bağlı qərarını verdi

''Mançester Yunayted'' Sulşerlə bağlı qərarını verdi

Tarix: 10 Dekabr 2020 14:10

"Mançester Yunayted"  Çempionlar Liqasında qrup mərhələsinin nəticələrinə baxmayaraq, baş məşqçisi Ole-Qunnar Sulşerlə çalışmağa davam edəcək.

Milli.Az qol.az-a istinadən xəbər verir ki, bu barədə "Daily Mail" nəşri məlumat yayıb. Mançester təmsilçisi qrup mərhələsinin sonuncu turunda "Leyptsiq"ə 2:3 hesabı ilə uduzaraq turnirdə mübarizəni dayandırıb. Komanda Avroliqada çıxışına davam edəcək.

Klub rəhbərliyi ÇL-də uğursuz çıxışa baxmayaraq, norveçli mütəxəssisə dəstək olmağa davam edəcək. "MY"nın tez-tez baş məşqçi dəyişikliyi etmək istəmədiyi, buna görə 47 yaşlı çalışdırıcını komandada saxlamaq istədiyi vurğulanıb.

Hətta "Tottenhem"in sabiq baş məşqçisi Maurisio Poçettino "Mançester Yunayted"ə keçməyə razı olmasına baxmayaraq, klub qərarında qətidir.

Qeyd edək ki, "Mançester Yunayted" İngiltərə Premyer Liqasında 10 turdan sonra 19 xalla turnir cədvəlinin 6-cı pilləsində qərarlaşıb.

Milli.Az


Etiketlər:  Mançester Yunayted Sulşerlə bağlı qərarını verdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ