Rəqibin üzünə tüpürən futbolçu cəzalandırıldı

Tarix: 21 Dekabr 2020 17:56

Almaniyanın "Borussiya" (Münhenqladbax) klubu futbolçusu Markus Türamı cəzalandırıb.

Sonxeber.net qol.az-a istinadən xəbər verir ki, bu barədə Bundesliqa təmsilçisinin idman direktoru Maks Eber klubun mətbuat xidmətinə açıqlamasında deyib.

O, Bundesliqanın 13-cü turunda "Hoffenhaym"a qarşı keçirilən oyunda rəqib komandanın futbolçusu Stefan Poşun üzünə tüpürən Türamın bir aylıq məvacibi dəyərində cərimələnəcəyini bildirib. 23 yaşlı hücumçunun aylıq maaşı təqribən 150 min avrodur.

Türam, qarşılaşmanın 79-cu dəqiqəsində Poşla girdiyi ikili mübarizədən sonra rəqibinin üzünə tüpürüb və qırmızı vərəqə alaraq meydandan qovulub. Fransız futbolçu etdiyi hərəkətə görə Poşdan və futbol ictimaiyyətindən üzr istəyib və emosional davrandığını etiraf edib.

Türamın Almaniya Futbol İttifaqı tərəfindən də sərt cəzalandırılması gözlənilir.

Qeyd edək ki, Markus Türam Fransa millisi ilə dünya və Avropa çempionu olan Lilian Türamın oğludur.