Aktual mövzular: Dollar alış-satışı, Neftin qiyməti, COP29, Hava proqnozu

Şəhid atası: ''Oğlum həmişə vətən uğrunda döyüşə hazır olduğunu deyirdi'' - VİDEO

Tarix: 5 Yanvar 2021 14:30

Vətən müharibəsində qəhrəmanlıq nümayiş etdirən igid hərbçilərimiz çoxdur. Onlardan biri də Fuad Tağıyev olub.

Sonxeber.net xezerxeber.az-a istinadən bildirir ki, xüsusi təyinatlı Fuad Tağıyev düşmənin onlarla canlı qüvvəsini və 40-dan artıq müxtəlif təyinatlı avtomobilini və hərbi texnikasını məhv edib.

Yaralı vəziyyətdə hərbçi yoldaşlarını mühasirədən çıxarıb və döyüşə davam edib.

Fuad Tağıyev orta məktəbi bitirdikdən sonra hərb sənətinə yiyələnməyi qarşısına məqsəd qoyur. Elə bu məqsədlə də hərbi xidməti başa vurduqdan sonra orduda qalıb.O, uzun illər Hərbi Dəniz Qüvvələrində xüsusi təyinatlı kimi xidmət edib. Fuad Tağıyev Şuşa uğrunda gedən döyüşlərdə şəhid olub.

Şəhidin atası deyir ki, oğlu sevərək hərb sənətini seçmişdi.

Sabirabad rayonunun Ətcələr kənd sakini olan Fəridə Tağıyeva oğlunun qəhrəmanlıqları ilə fəxr edir. Anası axırıncı dəfə oğlu ilə danışanda "düşmən hiyləgərdir, özünü qoru" deyib.

Fuad Tağıyev ölümündən sonra "Cəbrayılın azad olunmasına görə", "Cəsur Döyüşçü" və "Vətən Uğrunda" medalları ilə təltif olunub.

Mövzu ilə bağli daha ətrafli videomaterialı təqdim edirik:

Whatsapp ilə göndər