Aktual mövzular: Dollar alış-satışı, Neftin qiyməti, COP29, Hava proqnozu

Misirdə 3 min il tarixi olan mumiyalar tapılıb

Misirdə 3 min il tarixi olan mumiyalar tapılıb

Tarix: 18 Yanvar 2021 22:38

Misirin Saqqara bölgəsində nekropolisdə aparılan arxeoloji qazıntılar zamanı 3 min il tarixi olan 54 taxta tabut və mumiyalar aşkar edilib.

Sonxeber.net AZƏRTAC-a istinadən bildirir ki, fironların 6-cı sülaləsi dövründə dəfn ayinlərinin keçirildiyi kraliça Neit məbədində misirli arxeoloq Zahi Havasın rəhbərlik etdiyi ekspedisiya bu mumiyaları firon Tetinin ehramına yaxın ərazidə tapıblar. Sözügedən məbəd UNESCO-nun Dünya İrsi Siyahısına daxildir və turistlərin ən çox ziyarət etdiyi məkanlardan biri sayılır. Üzərində müxtəlif rənglərdə naxışlar olan tabutlar Misirin "Yeni fironluq" dövründə yaşamış hökmdarların ailə üzvlərinə məxsusdur.

Hazırda pandemiya səbəbindən Misirin turizm sektoru əcnəbi turistlərdən məhrum olub. Belə ki, 2019-cu ildə buraya müxtəlif ölkələrdən 13 milyondan çox turist gəldiyi halda, ötən il bu rəqəm cəmi 3 milyon olub.


Etiketlər:  Misirdə tarixi olan mumiyalar tapılıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ