Aktual mövzular: Dollar alış-satışı, Neftin qiyməti, COP29, Hava proqnozu

Müharibədə iştirak edən tələbələrə təhsil haqqında güzəştlər ediləcəkmi?

Tarix: 30 Yanvar 2021 16:42

Bakı. İlhamə İsabalayeva – Trend:

Təhsil naziri Emin Əmrullayev Vətən Müharibəsində iştirak edən tələbələrə təhsil haqqında güzəştlərin edilib-edilməməsi ilə bağlı məsələyə münasibət bildirib.

Trend-in məlumatına görə, E.Əmrullayev deyib ki, bu məsələ Təhsil Nazirliyinin tək qərar verdiyi məsələ deyil:

“Bu istiqamətdə bir neçə addım atılıb, YAŞAT Fondu yaradılıb. Biz də müəyyən qərar layihələri hazırlamışıq. Ümid edirəm ki, bu istiqamətdə irəliyə doğru bir addm atılacaq”.

E.Əmrullayev əlavə edib ki, bu günə qədər şəhid olan şəxslərin 35 nəfərə yaxın qohumunun təhsil haqlarının ödənilməsi ilə bağlı müraciətlərə müsbət cavab verilib.

Whatsapp ilə göndər