Aktual mövzular: Dollar alış-satışı, Neftin qiyməti, COP29, Hava proqnozu

''Yolların bağlı olmasından başqa hər şey möhtəşəmdir'' - Vaqner da Silva

Tarix: 26 Aprel 2019 11:04

"İlk dəfə belə bir mənzərənin şahidi oluram. Yolların bağlı olmasından başqa hər şey möhtəşəmdir".

Qol.az xəbər verir ki, bu sözləri "Qarabağ"ın qapıçısı Vaqner da Silva Formula-1 üzrə Azərbaycan Qran-prisi haqda danışarkən deyib. Braziliyalı qolkiper "Globo Sport"a açıqlamasında bildirib ki, avtomobillərin 340 km/saat sürətlə ötüşməsini yaşadığı "Port Baku"nun pəncərəsindən izləmək mümkündür:

"Uşaqlar işləri sürətli şəkildə görürlər. Məşqi izləyə bilməyəcəm. Ancaq bazar günü yarışa mütləq baxacam".

Qeyd edək ki, bu gün start götürəcək Azərbaycan Qran-prisi iki gün davam edəcək.