Aktual mövzular: Dollar alış-satışı, Neftin qiyməti, COP29, Hava proqnozu

Yanvarda 2,3 milyon şəxsə pensiya, müavinət, təqaüd, ünvanlı sosial yardım verilib

Tarix: 10 Fevral 2021 12:15

Bakı. İlhamə İsabalayeva -Trend:

Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu tərəfindən yanvar ayında sosial təminat üzrə əhaliyə ötən ilin eyni dövrünə nisbətən 51,8 milyon manat çox olmaqla 486,9 milyon manat vəsait ödənilib.

Nazirlikdən Trend-ə verilən məlumata görə, yanvar ayında ümumilikdə 2,3 milyon şəxsə pensiya, müavinət, təqaüd, ünvanlı sosial yardım verilib.

Həmin sosial təminat növləri üzrə əhaliyə ötən ilin eyni dövrünə nisbətən 11,9% və ya 51,8 milyon manat çox olmaqla 486,9 milyon manat vəsait ödənilib.

Onu da bildirək ki, Prezident İlham Əliyevin Sərəncamına əsasən cari ilin əvvəlindən pensiyaların ötən ilin orta aylıq əməkhaqqının illik artım tempinə uyğun şəkildə 11,4 % indeksləşdirilərək artırılması təmin edilib.

Whatsapp ilə göndər