Aktual mövzular: Dollar alış-satışı, Neftin qiyməti, COP29, Hava proqnozu

''Parkları şumlayıb, əkin əkəcəyik'' - Hindistanlı fermerlərdən ultimatum

Tarix: 25 Fevral 2021 08:40

Hindistanda yeni kənd təsərrüfatı qanunlarına etiraz edən fermerlər tələbləri yerinə yetirilməyəcəyi təqdirdə ölkə parlamentini mühasirəyə alacaqları ilə hədələyiblər.

Sonxeber.net oxu.az-a istinadən bildirir ki, bu açıqlama ilə etiraz aksiyalarına rəhbərlik edən "Hindistanlı Fermerlər Birliyi" təşkilatının nümayəndəsi Rakeş Tikait çıxış edib.

"Bu dəfə parlamentin mühasirəyə alınması üçün çağırış olacaq. Bunu elan edərək Dehliyə gedəcəyik. Bu dəfə orada 400 min traktor olacaq!" - deyə kəndlilərin və fermerlərin qurultayında çıxış edən R. Tikait bildirib.

O, əkin əkmək üçün vaxtın yetişdiyini, lakin fermerlərin etirazlarından əl çəkməyəcəklərini, lazım gələrsə, Dehlidəki parkları şumlayaraq orada məhsul yetişdirməyə hazır olduqlarını söyləyib.

Whatsapp ilə göndər