Media və QHT rəhbərləri, blogerlər Ağdamda minatəmizləmə əməliyyatları ilə tanış olublar - VİDEO - FOTO

Tarix: 13 Mart 2021 14:03

Bu gün Media və QHT rəhbərləri, blogerlər və ictimai fəalların işğaldan azad olunmuş Ağdam şəhərinə səfəri başlayıb.

Bu barədə Elçin Alıoğlu məlumat verib. Səfər çərçivəsində nümayəndələr Azərbaycan Respublikası Minatəmizləmə Agentliyinin əməkdaşlarının minatəmizləmə əməliyyatları ilə tanış olublar. Tank əleyhinə minanın zərərsizləşdirilmə prosesini millət vəkilləri, jurnalistlər və QHT nümayəndələri seyr ediblər. Ağdama səfər edən Media rəhbərləri və sosial media aktivistləri hazırda Ağdamın Qərvənd kəndi ərazisindədirlər.

Qeyd edək ki, Prezidentin köməkçisi Hikmət Hacıyevin rəhbərlik etdiyi heyətdə ölkədəki bütün televiziya, agentlik, əksər sayt və qəzet rəhbərləri, həmçinin çoxlu sayda blogger və sosial media aktivisti təmsil olunur.