Aktual mövzular: Dollar alış-satışı, Neftin qiyməti, COP29, Hava proqnozu

Azərbaycan Türkmənistandan pambıq məhsulları alır

Tarix: 26 Iyul 2019 01:58

Aşqabad. Hüseyn Həsənov - Trend:

Ötən həftə Türkmənistanın dövlət əmtəə və xammal birjalarının hərraclarında 73 əməliyyat qeydə alınıb.

Trend-in məlumatına görə, hərracda rəngsiz təbəqə şüşəsi, pambıq parça ipliyi, pambıq-lifi satılıb.

Alıcı ölkələr isə Azərbaycan, ABŞ, BƏƏ, Türkiyə, Sinqapur, Hong Kong, Qırğızıstan, Özbəkistan və Ukrayna olub.

Əməliyyatların ümumi məbləği 264 milyon 280 min ABŞ dollarını keçib.

Bundan əlavə, Böyük Britaniya, İsveçrə, Birləşmiş Ərəb Əmirlikləri, Türkiyə, Sinqapur, Lüksemburq, Honq Konq, Əfqanıstan və Rusiyadan olan iş adamları kerosin, dizel yanacağı, mayeləşdirilmiş qaz, az kükürdlü soba mazutu, mazut və yüksək sıxlıqlı polietilen alıblar.

Qeyd edək ki, hərraca çıxarılan məhsulların qiymətləri hər gün dəyişir.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər