Aktual mövzular: Dollar alış-satışı, Neftin qiyməti, COP29, Hava proqnozu

Şəhid Ülvi Ağayev - Atasından gizli müharibəyə yollanmışdı - VİDEO

Şəhid Ülvi Ağayev - Atasından gizli müharibəyə yollanmışdı - VİDEO

Tarix: 31 Mart 2021 10:50

Vətən müharibəsində canından keçərək şəhadətə ucalmış qəhrəmanlarımızı tanıtmağa davam edirik. Sıradakı qəhrəmanımız Göyçay sakini Ülvi Ağayevdir. O 2020-ci il Tovuz döyüşləri zamanı könüllü  qeydiyyatdan keçib və sentyabrın 30-da döyüşlərə yollanıb. Ölümündən sonra isə "Vətən uğrunda" medalı ilə təltif edilib.

Sonxeber.net xezerxeber.az-a istinadən bildirir ki, "Vətənimizi qorumağa gedirəm" dedi, sevdiyi vətəni uğrunda da canından keçdi...

Söhbət Göyçayın Şahsoltanlı kəndindən olan şəhid 27 yaşlı Ülvi Ağayevdən gedir. Vətən müharibəsinə könüllü qoşulan Ülvi sentybarın 30-dan etibarən döyüş əməliyyatlarında iştirak edir. Bir neçə il əvvəl anasını və qardaşını itirən gənc getdiyi hərbi hissənin yerini yalnız bibisinə və bacısına deyib.

Yaxınlarının sözlərinə görə Ülvi işğalda olan torpaqlarımızı azad etmək arzusuyla yaşayıb. Dostları onun vətənpərvər və mərd ruhda böyüdüyünü bildirirlər..

Ülvi Ağayev döyüşlər zamanı böyük şücaət göstərib, düşmənə sarsıdıcı zərbələr endirib. Mütəmadi olaraq yaxınları ilə əlaqə saxlayan Ülvi Ağayev sonuncu dəfə oktyabrın 19-da onlarla danışıb. Sonradan onun Tərtər istiqamətində gedən döyüşlərdə şəhid olduğu məlum olub.

Ülvi Ağayev ölümündən sonra "Vətən uğrunda" medalı ilə təltif edilib.


Etiketlər:  Şəhid Ülvi Ağayev Atasından gizli müharibəyə yollanmışdı VİDEO


RƏYLƏR



Populyar Xəbərlər

XƏBƏR LENTİ