Aktual mövzular: Dollar alış-satışı, Məzənnə, Neftin qiyməti

Şəhid adı ilə bağlı qanuna dəyişiklik qəbul edildi

Tarix: 2 Aprel 2021 18:20

Milli Məclisin bu gün keçirilən plenar iclasında "Şəhid adının əbədiləşdirilməsi və şəhid ailələrinə edilən güzəştlər haqqında" qanun layihəsinə təklif edilən dəyişiklik birinci oxunuşda müzakirəyə çıxarılıb.

Milli.Az qafqazinfo-ya istinadən xəbər verir ki, sözügedən layihənin 2-ci maddəsinə dördüncü hissə əlavə edilir. Həmin əlavədə bildirilir ki,müvafiq icra hakimiyyəti orqanının müəyyən etdiyi orqan (qurum) şəhid və şəhid ailəsi statusu almış şəxslərin vahid informasiya bazasını yaratmaq məqsədilə müvafiq icra hakimiyyəti orqanının müəyyən etdiyi orqanın (qurumun) elektron informasiya sistemində şəhid və şəhid ailəsi statusu almış şəxslərin reyestirini elektron formada aparır. Şəhid və şəhid ailəsi statusu almış şəxslərin reyestirinin aparılması qaydası müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilir.

Qanun layihəsi birinci oxunuşda səsə qoyularaq qəbul edilib.

Milli.Az

Whatsapp ilə göndər