Aktual mövzular: Dollar alış-satışı, Neftin qiyməti, COP29, Hava proqnozu

Çəkildiyim filmləri efirə vermirlər - Xalq artistindən açıqlama

Tarix: 12 Aprel 2021 16:57

Niyə mənim çəkildiyim filmləri gizlədirlər?

Sonxeber.net xəbər verir ki, bu sözləri lent.az-a açıqlamasında Xalq artisti Lətifə Əliyeva deyib.

Lətifə xanım seriala, filmlərə çəkilməkdə ona mane olduqlarını deyir:

"Qoymadılar ürəyim istəyən rolları oynayım, özləri oynadılar. Rejissor var bir aktrisanı 11 filmə çəkir, amma məni bir filmə də çəkmədi".

Xalq artisti Lətifə Əliyeva açıqlamasında yolunu kəsənləri, mane olanları Allaha tapşırdığını bildirir:

"Mənə yaxşılıq edənin də qarşısına yaxşı adamlar çıxsın".

76 yaşlı aktrisa 52 yaşında xəstə oğluna qulluq etdiyini qeyd edir:

"Oğlum 1992-ci ildə Kəlbəcərdə könüllü döyüşüb. Ayağı tankın altında qalıb, əsəbləri gərgindir. O da mənə qarşı olan bu münasibətə hirslənir. Onu sakitləşdirmək üçün sənətdə belə hadisələrin çox olduğunu deyirəm. Axı mən o filmlərə çəkiləndə əziyyət çəkmişəm".