Aktual mövzular: Dollar alış-satışı, Məzənnə, Neftin qiyməti

Səhiyyə Nazirliyi: Təcili yardımın qoyduğu ilkin diaqnoz təsdiqini tapmayıb

Səhiyyə Nazirliyi: Təcili yardımın qoyduğu ilkin diaqnoz təsdiqini tapmayıb

Tarix: 29 Iyul 2019 16:24

Bakı. İlhamə İsabalayeva - Trend:

Bakının Xəzər rayonunun Zirə Qəsəbəsində (Qala yolu) qatarla taksinin toqquşması nəticəsində xəsarət alan iki nəfərə təcili tibbi yardım tərəfindən qoyulan ilkin diaqnoz təsdiqini tapmayıb.

Bu barədə Trend-ə Səhiyyə Nazirliyindən məlumat verilib.

Nazirlikdən bildirilib ki, 22 yaşlı qız və 20 yaşlı oğlanda qapalı kəllə-beyin travması aşkarlanmayıb:

"Onların vəziyyətləri normaldır. Həmin xəstələr ambulator müalicəyə buraxılıblar".

Qeyd edək ki, Zirə qəsəbəsində qatarın taksini vurması nəticəsində 4 nəfər xəsarət alıb.

Bir qədər əvvəl yayılan məlumatda bildirilmişdi ki, qəza nəticəsində ən ağır vəziyyətdə olan 22 yaşlı qız qapalı kəllə-beyin travması alıb, yuxarı ətraflarında sınıq yaranıb. Həmçinin, 20 yaşlı oğlan da qapalı kəllə beyin travması alıb. Vəziyyəti ağır olan həmin xəsarət alımış şəxslər 3 saylı Bakı Şəhər Klinik Xəstəxanaya aparılıb.


Etiketlər:  Səhiyyə Nazirliyi Təcili yardımın qoyduğu ilkin diaqnoz təsdiqini tapmayıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ