Aktual mövzular: Dollar alış-satışı, Neftin qiyməti, COP29, Hava proqnozu

''Qarabağ''a qarşı oynamayacaq - ''Dundalk''da ciddi itki

''Qarabağ''a qarşı oynamayacaq - ''Dundalk''da ciddi itki

Tarix: 30 Iyul 2019 11:00

"Dundalk"ın futbolçusu Robbi Benson Çempionlar Liqasının ikinci təsnifat mərhələsində "Qarabağ"la cavab oyununu buraxacaq.

Qol.az-ın İrlandiya mətbuatına istinadən yaydığı xəbərə görə, buna səbəb onun Ağdam klubu ilə ilk matçda qabırğasından zədələnməsidir. Zədəsini sağalda bilməyən 27 yaşlı yarımmüdafiəçi Bakıya gətirilməyib.

İrlandiya təmsilçisinin məşqçisi Con Gill Bensonun zədəsi ilə bağlı deyib: "Bəxtsiz zədələnmə oldu. Səfər qısa olsaydı,onu özümüzlə gətirə bilərdik. O, komandada inam yaradır. Bensonu 7 saatlıq səfərə gətirməyin mənası yox idi. Mövsümün açılış oyununda ayağından zədələndiyi eyni nöqtədə yenidən zədə aldı. Ona dedim ki, öləndə küllərini o yerin ətrafına yayacağıq.  Benson ailəsi ilə birgə vaxt keçirəcək, sonra qayıdıb həftəsonu komanda ilə məşqlərə qoşulacaq".

Qeyd edək ki, "Dalğa Arena"da keçiriləcək "Qarabağ" - "Dundalk" görüşü sabah Bakı vaxtı ilə saat 21:00-da başlayacaq. Bu komandalar arasında ilk matç 1:1 hesabı ilə başa çatıb.

 


Etiketlər:  Qarabağa qarşı oynamayacaq Dundalkda ciddi itki


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ