Aktual mövzular: Dollar alış-satışı, Neftin qiyməti, COP29, Hava proqnozu

Norveçdə Ermənistanın qəbuledilməz davranışları barədə məlumat kampaniyasına start verilib (FOTO)

Tarix: 26 Aprel 2021 17:20

Norveçdə fəaliyyət göstərən "CAN" təşkilatının təşəbbüsü ilə 24 aprel - 8 may tarixləri ərzində "Utrop" qəzetində Ermənistanın ərazilərimizdə yerləşdirdiyi minalar barədə məlumat kampaniyası aparılacaq.

Sonxeber.net bildirir ki, diasporla İş üzrə Dövlət Komitəsindənverilən məlumata görə, "CAN"ın sədri Şervin Nəcəfpur bildirib ki, kampaniyanın banneri vasitəsilə norveçli oxucular diaspor təşkilatının saytına (https://cannorway.com/humanitaer-minerydding/) keçid etməklə Ermənistanın ərazilərimizdə yerləşdirdiyi minaların xəritələrini verməkdən imtinası barədə məlumatları Norveç dilində əldə edə biləcəklər. Layihənin əsas məqsədi Qarabağ həqiqətlərinə, 44 günlük müharibə zamanı baş verənlərə və Ermənistanın azərbaycanlılara qarşı törətdiyi hərbi cinayətlərə diqqəti cəlb etməkdir.

Qeyd edək ki, "CAN"ın rəsmi saytında Azərbaycandakı ərazilərin minalardan təmizlənməsi prosesinə dəstək olması məqsədilə Norveç hökumətinə çağırış edilib.