Aktual mövzular: Dollar alış-satışı, Neftin qiyməti, COP29, Hava proqnozu

İndoneziyanın Sinabunq vulkanı 1000 metr hündürlüyə kül püskürüb

İndoneziyanın Sinabunq vulkanı 1000 metr hündürlüyə kül püskürüb

Tarix: 26 Aprel 2021 20:04

İndoneziyanın Sumatra adasının şimalında yerləşən Sinabunq vulkanı 1000 metr hündürlüyə kül püskürüb.

Sonxeber.net AZƏRTAC-a istinadən bildirir ki, bu barədə İndoneziya Vulkanologiya Mərkəzi məlumat yayıb. Bildirilir ki, yerli vaxtla gecə saat 01:55 dəqiqədə baş verən püskürmə 175 saniyə davam edib. Həmin gecə saat 01:44 dəqiqədə baş verən birinci püskürmə zamanı isə vulkan 500 metr hündürlüyə kül püskürüb.

Vulkanın kraterindən 3 kilometr məsafədə yerləşən kəndlərin sakinlərinə təsərrüfat fəaliyyəti ilə məşğul olmaq qadağan edilib. Həmçinin yerli sakinlərə mənbəyini Sinabunq dağından götürən çaylardan uzaq olmaq tövsiyə edilib.

Əhalini ehtiyatlı davranmağa çağıran yerli hakimiyyət orqanları onlara evdən çıxarkən tibbi maskalar taxmağı tövsiyə edib.


Etiketlər:  İndoneziyanın Sinabunq vulkanı 1000 metr hündürlüyə kül püskürüb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ