Aktual mövzular: Dollar alış-satışı, Neftin qiyməti, COP29, Hava proqnozu

Pentaqon uçan naməlum obyektlərlə bağlı yoxlamalara başlayacaq

Tarix: 5 May 2021 22:18

ABŞ Müdafiə Nazirliyinin nəzarət orqanı qurumda uçan naməlum obyektlər (UNO) barədə məlumatların emal olunma qaydasını yoxlayacaq.

Sonxeber.net AZƏRTAC-a istinadən bildirir ki, bu barədə Baş müfəttişin kosmos, kəşfiyyat və mühəndislik sahəsində nəzarət və qiymətləndirmə üzrə köməkçisi Rendolf Stoun məlumat verib. Yoxlamalar çox güman ki, bu ilin may ayında Müdafiə Nazirliyinin bir sıra strukturlarında keçiriləcək.

"Qiymətləndirmənin məqsədi uçan naməlum obyektlər barədə Müdafiə Nazirliyində görülən tədbirlərin səviyyəsini müəyyən etməkdir", - deyə Stoun bildirib.

Bir qədər əvvəl CNN telekanalı ABŞ Milli Kəşfiyyat İdarəsinin və digər qurumların uçan naməlum obyektlər barədə "məxfi olmayan" hesabatları iyun ayında Konqresə təqdim edəcəyi barədə məlumat yayıb.

Qeyd edək ki, 2020-ci ildə Pentaqonun nəzdində uçan naməlum obyektlərin tədqiqatı üzrə işçi qrupu təsis olunub. İşçi qrupunun məqsədləri sırasına ölkənin milli təhlükəsizliyi üçün təhdid törədə biləcək uçan naməlum obyektlərin aşkarlanması, təhlili və siyahıya alınması daxildir.

Whatsapp ilə göndər