Aktual mövzular: Dollar alış-satışı, Neftin qiyməti, COP29, Hava proqnozu

Rafiq Hüseynov və Beka Kandelaki dörddəbir finalda

Tarix: 8 May 2021 17:24

Bolqarıstanın paytaxtı Sofiyada güləş üzrə dünya Olimpiya təsnifat turniri davam edir.

Sonxeber.net qafqazinfo-ya istinadən xəbər verir ki, turnirin üçüncü günündə - mayın 8-də yunan-Roma güləşçiləri mübarizə aparırlar.

Yunan-Roma güləşi üzrə millimizin üzvü Rafiq Hüseynov (77 kq) yarışa qələbə ilə başlayıb. Azərbaycan çempionu Hyenvu Kimə (Koreya Respublikası) qalib gələrək turnirin səkkizdəbir final mərhələsinə yüksəlib. İkiqat Avropa çempionumuzun növbəti rəqibi Qurpret Sinq (Hindistan) olacaq.

R.Hüseynovun növbəti rəqibi Qurpret Sinq (Hindistan) olub. Xalçadan qalib ayrılan təmsilçimiz dörddəbir finalda Abd Elkrim Ouakali (Əlcəzair) ilə üz-üzə gələcək.

Təmsilçimiz Beka Kandelaki (130 kq) isə Oskar Marvikdən (Norveç) üstün olaraq dörddəbir finala adlayıb. Güləşçimizin rəqibi Rafal Krayevski (Polşa) olacaq.

Lisenziya sahiblərini müəyyənləşdirən yarımfinal qarşılaşmaları Bakı vaxtı ilə saat 20:00-da start götürəcək.

Xatırladaq ki, güləşin bu növündə güləşçimiz İslam Abbasov (87 kq) martda Macarıstanda keçirilən Avropa Olimpiya təsnifat turnirində lisenziya qazanıb.

Whatsapp ilə göndər