Aktual mövzular: Dollar alış-satışı, Neftin qiyməti, COP29, Hava proqnozu

Koronavirusdan daha təhlükəli “qara kif” epidemiyası sürətlə yayılır

Koronavirusdan daha təhlükəli “qara kif” epidemiyası sürətlə yayılır

Tarix: 27 May 2021 11:40

Hindistanda koronavirusun fəsadları nəticəsində yayılan mukormikoz ("qara kif") epidemiyası daha bir ölkəyə sıçrayıb.

Sonxeber.net oxu.az-a istinadən xəbər verir ki, ölkənin qonşuluğunda yerləşən Banqladeşdə yeni xəstəliklə bağlı ilk ölüm qeydə alınıb.

Məlumata görə, 65 yaşlı banqladeşli koronavirus müalicəsi bitdikdən sonra şəkər xəstəliyi və böyrək problemləri daxil olmaqla, bir sıra fəsadlara görə xəstəxanada olub. Lakin həkimlərin səyinə baxmayaraq, onun həyatını xilas etmək mümkün olmayıb.

Xatırladaq ki, Hindistanda mukormikozla əlaqədar yeddi ştatda "qara kif epidemiyası" elan edilib. Son məlumatlara görə, ölkədə 9000 nəfərdə xəstəlik tapılıb, 200-dən artıq insan buna görə həyatını itirib.

Həkimlər "qara kif"in koronavirusdan daha təhlükəli olduğu barədə xəbərdarlıq ediblər. Onların sözlərinə görə, xəstələr vaxtında və düzgün müalicə olunmazlarsa, ölüm səviyyəsi 94 faizə yüksələ bilər.

Onu da qeyd edək ki, hindistanlı həkimlər infeksiyanın beyinə düşməsinin qarşısını almaq üçün minlərlə xəstənin gözünü çıxarmaq məcburiyyətində qalıb.


Etiketlər:  Koronavirusdan daha təhlükəli qara epidemiyası sürətlə yayılır


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ