Vətən müharibəsi qazisinin problemi həll olundu

Tarix: 13 Iyun 2021 17:38

Vətən müharibəsi qazisi Yaqub Qəhrəmanlı bu günlərdə fərdi yaşayış evinin həyətinin giriş hissəsində qapı keçidinin qurulması ilə bağlı "Azəriqaz" İstehsalat Birliyinə sosial şəbəkə üzərindən müraciət edib. Şəhid və qazi ailələrinin müraciətlərinə xüsusi diqqət ayıran Birlik tərəfindən qısa bir müddət ərzində onun müraciəti də təmin olunub.

Bu barədə "Azəriqaz" İstehsalat Birliyindən Milli.Az-a verilən məlumatda qeyd olunub.

Məlumatda qeyd olunub ki, Feysbuk sosial şəbəkəsi vasitəsilə həm Birliyin səhifəsinə, həm də baş direktor Ruslan Əliyevin səhifəsinə çoxsaylı müraciətlər daxil olur. Onlar sistemləşdirilir, araşdırılır və ilk növbədə qazi, şəhid, aztəminatlı ailələrin qaz təchizatı məsələləri icra üçün müvafiq strukturlara yönəldilir.

Qeyd edək ki, Yaqub Qəhrəmanlı Vətən müharibəsində "N" saylı hərbi hissənin minaatan batereyasında sanitar təlimatçısı, tibb xidməti çavuşu kimi xidmət edib. Suqovuşan, Ağdərə istiqamətində gedən döyüşlərdə şücaətlər göstərib. Kiçik çavuş Qəhrəmanlı döyüşdən yaralı əsgəri çıxararkən mərmi partlayışı zamanı yaralanıb. Yaqub Qəhrəmanlı "Cəsur döyüşçü" medalı ilə təltif olunub.

Milli.Az