Aktual mövzular: Dollar alış-satışı, Neftin qiyməti, COP29, Hava proqnozu

Azərbaycanda 2500-dən artıq şəxs bu səbəbdən cinayət məsuliyyətinə cəlb olunub

Tarix: 6 Avqust 2019 16:52

Bakı. Elçin Mehdiyev – Trend:

2018-ci il ərzində Azərbaycanda narkotik vasitələrin qanunsuz dövriyəsinə görə 2527 nəfər cinayət məsuliyyətinə cəlb edilib.

Trend-in məlumatına görə, bu barədə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının hesabatında deyilir.

Onlardan 7-si 18 yaşadək, 172-si 18-25 yaşadək, 323-ü 26-29 yaşadək, 2025-sı 30 yaşdan yuxarı, o cümlədən 34-ü fəhlə, 2148-i işləməyənlər, qulluqçu və ya maddi məsul şəxs, 2-si orta məktəb şagirdi, 927-si əvvələr cinayət törətmişlər, 15-i əvvəllər xüsusi qeydiyyatda olmuşlar, 2484-ü kişilər, 43-ü qadınlar, 58 nəfəri isə xarici ölkə vətəndaşları olub.

Məsuliyyətə cəlb olunmuş 58 nəfər xarici ölkə vətəndaşlarından 100 kq-dan artıq müxtəlif növ narkotik vasitələr götürülüb. Әcnəbilərin 39 nəfəri İran İslam Respublikası, 10 nəfəri Gürcüstan, 4 nəfəri Rusiya, 2 nəfəri Türkiyə, 2 nəfəri Ukrayna, 1 nəfəri isə Türkmənistan vətəndaşı olub.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər