Aktual mövzular: Dollar alış-satışı, Neftin qiyməti, COP29, Hava proqnozu

“Azəriqaz” bayram günlərində gücləndirilmiş rejimdə işləyəcək

Tarix: 9 Avqust 2019 13:00

Bakı. Trend:

“Azəriqaz” İstehsalat Birliyi Qurban bayramı münasibəti ilə 12 və 13 avqust 2019-cu il tarixinlərində gücləndirilmiş iş rejimində fəaliyyət göstərəcək.

Qurumdan Trend-ə verilən məlumata görə, istehlakçıların təbii qazla fasiləsiz və keyfiyyətli təmin edilməsi, eləcə də qaz təchizatı sisteminə nəzarəti gücləndirmək məqsədi ilə zəruri tədbirlər həyata keçiriləcək.

Bundan başqa 24 saat fəaliyyət göstərən 185 və 104 nömrəli “Çağrı Mərkəzi”nin fəaliyyəti dəgücləndiriləcək. Birliyin müvafiq şöbələrində, Bakı Regional Qaz İstismarı Departamenti, Sumqayıt Qaz İstismar Sahəsi, Regional Qaz İstismar İdarələri və xidmət sahələrində sutkalıq növbətçilik təşkil olunacaq. “Azəriqaz” İB bütün Azərbaycan Xalqını Qurban bayramı münasibətilə təbrik edir!

Trend-in ən mühüm və maraqlı xəbərlərini "Telegram"da izləyin

Whatsapp ilə göndər