Aktual mövzular: Dollar alış-satışı, Neftin qiyməti, COP29, Hava proqnozu

100-dən çox ölkədən ABŞ-a it aparmaq qadağan edildi - siyahıda Azərbaycan da var

Tarix: 14 Iyul 2021 08:12

Quduzluğun yayılması təhlükəsi səbəbindən ABŞ-a itlərin gətirilməsinə müvəqqəti qadağa qoyulub.

Sonxeber.net qafqazinfo-ya istinadən xəbər verir ki, bu barədə ABŞ Xəstəliklərin İdarə Edilməsi və Müalicəsi Mərkəzlərinin saytında deyilir.

Məlumata görə, qadağa 100-dən çox dövlətə şamil olunub. Bu dövlətlər arasında Azərbaycanla yanaşı, Ermənistan, Belarus, Gürcüstan, Qazaxıstan, Qırğızıstan, Moldova, Tacikistan, Rusiya, Özbəkistan, Ukrayna da var. Bundan əlavə, siyahıya Asiya, Afrika, Latın Amerikasının onlarla ölkəsi daxildir.

Sənəddə qeyd olunur ki, amerikalı mütəxəssislər hesab edirlər ki, bu ölkələrdə itlərin quduzluğa yoluxma təhlükəsi yüksəkdir.

Qadağa son altı ayda siyahıda yer alan dövlətlərdə olan itlərə də şamil edilir.

Sənəddə qadağanın müddəti dəqiqləşdirilmir.

Whatsapp ilə göndər