Aktual mövzular: Dollar alış-satışı, Neftin qiyməti, COP29, Hava proqnozu

''Liverpul''da ciddi itki – superkubokda oynamayacaq

Tarix: 10 Avqust 2019 12:28

"Liverpul"un qapıçısı Alisson Beker "Çelsi" ilə qarşılaşacaqları UEFA Superkuboku matçında iştirak etməyəcək.

Qol.az Mersisayd təmsilçisinin rəsmi saytına istinadən xəbər verir ki, bu barədə komandanın baş məşqçisi Yurgen Klopp Premyer Liqanın ilk turunda evdə "Norviç"i 4:1 hesabı ilə məğlub etdikləri görüşdən sonra məlumat verib.

Klopp deyib ki, 26 yaşlı qolkiperin zədəsinin ciddiliyini qiymətləndirməlidirlər: "Əlbəttə ki, bu bizim üçün çox xoşagəlməzdir. Asillon oyunu davam etdirə bilmədi. O, Super Kubok oyununda meydanda olmayacaq. Artıq bu dəqiqdir".

Qeyd edək ki, "Norviç"lə matçın ilk hissəsində xəsarət alan Alisson Beker 39-cu dəqiqədə əvəzlənib. Avqustun 14-də Türkiyənin İstanbul şəhərindəki “Vodafon Arena”da keçiriləcək UEFA Super Kuboku Bakı vaxtı ilə saat 23:00-da başlayacaq.

Whatsapp ilə göndər