Aktual mövzular: Dollar alış-satışı, Neftin qiyməti, COP29, Hava proqnozu

X Beynəlxalq Mstislav Rostropoviç Musiqi Festivalı başa çatıb (FOTO)

Tarix: 29 Aprel 2019 11:35

Bakı. Trend:

Aprelin 22-dən 27-dək Bakıda Heydər Əliyev Fondu, Azərbaycan Mədəniyyət Nazirliyi və Mstislav Rostropoviç Fondunun (Rusiya) təşkilatçılığı ilə Mstislav Rostropoviç X Beynəlxalq Musiqi Festivalı keçirilib. Festivalda Rusiya, Fransa, İsveçrə, İspaniya və digər ölkələrdən dünyaşöhrətli musiqiçilər və kollektivlər iştirak edib.

Mədəniyyət Nazirliyindən Trend-ə verilən məlumata görə, aprelin 27-də Heydər Əliyev Sarayında keçirilən festivalın yekun konsertində dirijor Tomas Hefelenin idarəçiliyi ilə MünchenKlang orkestrinin və xorunun (Almaniya) çıxışı olub.

Konsertdə dünya şöhrətli bəstəkarlar Frants Şubert və Qabriel Forenin əsərləri səslənib.

Tamaşaçılar konserti böyük maraqla qarşılayıblar.

Trend-in ən mühüm və maraqlı xəbərlərini "Telegram"da izləyin