Aktual mövzular: Dollar alış-satışı, Neftin qiyməti, COP29, Hava proqnozu

Bu ölkədə fövqəladə vəziyyət elan edildi

Bu ölkədə fövqəladə vəziyyət elan edildi

Tarix: 2 Noyabr 2021 21:08

Efiopiya hökuməti ölkənin şimalındakı gərginliklə əlaqədar fövqəladə vəziyyət elan edib.

Sonxeber.net publika.az-a istinadən xəbər verir ki, bu barədə ölkənin "Fana" telekanalı məlumat yayıb.

Məlumata görə, sözügedən qərar paytaxt Əddis-Əbəbənin şimalında, Tiqray bölgəsi ilə sərhədə daha yaxın olan Amhara bölgəsindəki Dessiye və Kombolça şəhərləri ətrafındakı vəziyyətlə bağlıdır.

Əddis-Əbəbə rəhbərliyi şəhər sakinlərinə yaxın iki gün ərzində paytaxtın müdafiəsinə hazır olmalarının vacibliyini bildirib.

Dessiye və Kombolça Əddis-Əbəbədən təxminən 400 km şimalda Amharada yerləşir və onların ətrafında Efiopiya ordusu ilə "Tıqray Xalq Azadlıq Cəbhəsi"nin qüvvələri arasında qarşıdurma davam edir.

1991-2018-ci illərdə Efiopiyada hakim mövqelərdə olan "Tiqray Xalq Azadlıq Cəbhəsi" hazırkı baş nazir hakimiyyətə gəldikdən sonra müxalifətə keçib. Efiopiyanın şimalı 2020-ci ilin noyabrından münaqişələrin episentridir.


Etiketlər:  ölkədə fövqəladə vəziyyət elan edildi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ