Firuzə İbadova niyə evsiz qalıb?

Tarix: 16 Noyabr 2021 06:35

Əməkdar artist Firuzə İbadovanın şəraitsiz evdə yaşaması haqda açıqlaması gündəmdən düşmür.

Sonxeber.net axşam.az-a istinadən xəbər verir ki, müğənninin fikirləri, yardım istəməsi tənqid edilib. F.İbadovanın duet ortağı, Əməkdar artist Cavanşir Məmmədov MTV-yə açıqlamasında onu müdafiə edib.

O bildirib ki, F.İbadovanın böyük bağlı və çoxlu qızılı olub:

"Firuzə xanımın fikrini düzgün başa düşmək lazımdır. Deyir ki, mənim mənzil şəraitim pisdir. İnsan ömürboyu pul qazana bilər. Bir gün evi yanar, heç nəyi qalmaz. Toya məcbur gedə bilərsən? Gedib 10 minə məcbur toy oxumursan ki... 3500 manata toya gedirik. O da 10-15 adam arasında bölünür. Biz bahalı toyda olmamışıq, ev sahibini incitməmişik. Nə veriblər, qəbul etmişik.

Deyirlər, Firuzə xanımın evi bu boydadır, Cavanşir müəlliminki bu qədər. Firuzə xanımın evi o deyildi. Bağını aldadıb aldılar, qaldı evsiz. Qızıllarını aldadıb apardılar. Başına fəlakət gəldi".