Sonsuzluq diaqnozu qoyulan qadın bir ildə üç uşaq dünyaya gətirdi - FOTO

Tarix: 25 Noyabr 2021 12:28

Sonsuzluq diaqnozu qoyulan ingiltərəli qadın bir ildə üç uşaq dünyaya gətirib. Əvvəlcə onun qızı doğulub, ardınca isə əkizləri  dünyaya gəlib.

Bildirilir ki, həkimlərin hamiləlik şansının az olması ilə bağlı xəbərdarlığını eşidəndə Emmi Qeirns 25 yaşında olub. Həmin vaxtdan etibarən o, karyera qurmaq barədə düşünüb. Lakin indiki həyat yoldaşı ilə qarşılaşdıqdan sonra tibb işçilərinin sözlərinə baxmayaraq, uşaqla bağlı bütün şansını dəyərləndirmək qərarına gəlib.

Hazırda 34 yaşında olan qadın və 32 yaşlı həyat yoldaşı Ceymi bir il müalicə alsalar da, nəticəsiz olur.

"Bir il sonra biz fasilə vermək qərarına gəldik, içki və şənliklərlə yayı keçirdik. Bundan sonra hamilə olduğumu öyrəndim", - deyə qadın bildirib.

Milli.Az Oxu.az-a istinadən xəbər verir ki, nəticədə Emmi qız uşağı dünyaya gətirir, onun adını Harlo qoyurlar. Bundan sonra cütlük yeni uşaqlar üçün bir az vaxt lazım olacağını düşünüblər, ancaq belə deyilmiş: 9 ay sonra qadın hamilə qalır.

İkinci hamillik ağır keçib. Hətta bir ara həkimlər ananın hamiləliyinin yarımçıq qalacağı təhlükəsi ilə bağlı xəbərdarlıq ediblər.

"Pandemiyaya görə Ceymini mənimlə həkimə buraxmırdılar. Uşağımı itirdiyimi düşündüyüm vaxt mənə əkiz dünyaya gətirəcəyimi deyəndə isə şoka düşdüm. Mən avtomobildən ağlayaraq çıxdım, ərim isə təsəlli verərək uşaq üçün yenidən cəhd edə biləcəyimizi deyirdi. Mən ona əkizimizin dünyaya gələcəyini deyəndə isə o inanmadı və zarafat etdiyimi düşündü", - deyə qadın olanları xatırlayıb.

Noy və Artur dünyaya sağlam gəliblər.

İndi dostları qadının hekayəsini başqalarına danışır ki, onların da hamilə qala biləcəyinə ümid yaransın. Artıq üç övladı olan cütlük yenə uşaq istəyirlər.

"İki yaşından kiçik üç uşağınız olanda bu, dəlilikdir. Əladır, amma çox çətin işdir", - deyə Emma bildirib.

Milli.Az