Pep şokdadı - 192 xal!

Tarix: 29 Aprel 2019 18:52

“Mançester Siti”nin baş məşqçisi Pep Qvardiola Premyer Liqanın bitməyinə 2 tur qalmış komandası haqda danışıb.

Qol.az-ın Britaniya mətbuatına istinadən yaydığı xəbərə görə, 48 yaşlı mütəxəssis komandasının iki mövsüm ərzində qazandığı xallara toxunub: “Bəlkə, bir komanda hər hansı liqada 100 xal toplaya bilər, amma 2-ci yerdəki komanda bir daha 92, 95, 98 xal toplaya bilməz. İki mövsüm ərzində ümumilikdə 192 xal toplamışıq. Bu etdiklərimiz inanılmazdır. “Mançester Yunayted”, “Arsenal”, “Tottenhem” kimi komandalarla aramızda 20 xallıq fərq yaratmışıq. Mövsümün əvvəlində, xüsusən də qış dönəmində bunun olacağını gözləməzdim. Ardıcıl 12 matçda qələbə qazanaraq möhtəşəm iş gördük".

Qeyd edək ki, Pep Qvardiola 2016-cı ildən "Mançester Siti"ni çalışdırır.