Aktual mövzular: Dollar alış-satışı, Neftin qiyməti, COP29, Hava proqnozu

Mobil oyun pensiyaçını oğrulardan xilas etdi

Tarix: 12 Fevral 2022 14:20

Naməlum şəxs tərəfindən girov saxlanılan 80 yaşlı Çikaqo sakini Denis Holt məşhur "Wordle" oyunu sayəsində xilas edilib.

Gecə saatlarında qayçı ilə silahlanmış çılpaq şəxs pəncərəni sındıraraq pensiyaçının evinə daxil olub. Ev sahibini zirzəmidəki vanna otağına bağladıqdan sonra cani Holtu özü ilə çimməyə məcbur edib, telefon kabelini kəsib və smartfonunu əlindən alıb.

Sonxeber.net oxu.az-a istinadən xəbər verir ki,qocanın böyük qızı anasından gündəlik "Wordle" tapmacasının cavabını almadıqda şübhələnib. O, polisə müraciət edib. Hüquq-mühafizə orqanlarının əməkdaşları evə girən tutublar. Məlum olub ki, o, Denisi 17 saat əsarətdə saxlayıb.

Polis saxlanılan 32 yaşlı Ceyms Devisin psixi sağlamlıq problemlərinin olduğunu və bir neçə dəfə məhkum olunduğunu bildirib. O, bıçaqlı hücum, adam oğurluğu və polis əməkdaşına hücum etməkdə ittiham olunub.

Whatsapp ilə göndər