Aktual mövzular: Dollar alış-satışı, Neftin qiyməti, COP29, Hava proqnozu

NATO-dan Ukrayna ilə bağlı Rusiyaya çağırış

Tarix: 19 Fevral 2022 13:44

NATO Rusiyanı Ukrayna ətrafındakı böhranın həlli istiqamətində mühüm addım atmağa və qoşunlarını Ukrayna sərhədlərindən çıxarmağa çağırır.

Sonxeber.net APA-ya istinadən bildirir ki, bu barədə Şimali Atlantika Alyansının (NATO) baş katibi Yens Stoltenberq Münhen Təhlükəsizlik Konfransında bildirib.

"Biz Rusiyanı öz qüvvələrini Ukrayna sərhədlərindən çıxarmağa çağırırıq. Bu, böhranın sülh yolu ilə həlli istiqamətində mühüm ilk addım olmalıdır", - o deyib.

Stoltenberq bildirib ki, Şimali Atlantika Alyansı Rusiyaya NATO-Rusiya Şurasında (NRC) adi və nüvə silahlarına nəzarət üzrə bir sıra müzakirələr təklif etməkdə davam edir.

"Rusiyanı risklərin azaldılması, adi və nüvə silahlarına nəzarəti müzakirə etmək üçün bir sıra görüşlər keçirməyə çağırışımı təkrar etmək istəyirəm", - Stoltenberq bildirib.

O, həmçinin Rusiyanı Ukrayna böhranı ilə bağlı diplomatiya yolunu seçməyə çağırıb.

NATO hesab edir ki, Avropada təhlükəsizlik yalnız ABŞ-la əməkdaşlığa əsaslanır və bunu iki dünya müharibəsi sübut edib.

Whatsapp ilə göndər