Şirvanşahlar dövrünə aid tarixi ovdan - Əhalinin istifadəsinə vermək mümkündür - VİDEO

Tarix: 21 Fevral 2022 15:20

Şamaxı sakininə məxsus yaşayış evinin həyətində Şirvanşahlar dövrünə aid tarixi abidə olan ovdan mövcuddur. Əsrlər keçməsinə baxmayaraq ovdanın içərisində olan su kəhrizindən hələ də istifadə edilir. Arxeloqlar hesab edirlər ki, həmin ərazidə bir neçə yerdə kəhrizlər var. Onları müəyyən edib, əhalinin istifadəsinə vermək mümkündür.

Sonxeber.net Xəzər TV-yə istinadən xəbər verir ki, üzərindən əsrlər keçməsinə baxmayaraq hələ də istifadə edilir..

Söhbət Şamaxının  Azadlıq küçəsidəki evin həyətində  yerləşən  ovdandan  gedir. 12-14-ci əsrə aid edilən tarixi abidə yerin  4-5 metr   dərinliyində yerləşir .

Pillələrin   qurtaracağında kəhriz sularının toplandığı yer var. Ev sahibinin sözlərinə görə 40 ilə yaxındır ki hovuza yığılan sudan hər gün istifadə edirlər. Hələ bu zamana kimi   hovuzun  qurumasına rast gəlməyiblər. 

Tikili ümumilikdə 3 otaqdan ibarətdir və   bişmiş kərpiclərlə tağ şəklində  inşa edilib.  Otağın mərkəzində kvadrat formalı, daş hovuz, onun ətrafında isə insanların oturub istirahət etməsi üçün  səkilər mövcuddur. Ev sahibi deyir ki, bu tarixi abidə ilə bağlı aidiyyatı üzrə müraciət ediblər.

Arxeoloji ekspedisiyasının rəisi Akif Quliyev onu da qeyd etdi ki,bu ilin dövlət proqramında bu abidələrdə bərpa işlərinin ,o cəmlədən arxeologiya işlərinin aparılması nəzərdə tutulub.