Aktual mövzular: Dollar alış-satışı, Neftin qiyməti, COP29, Hava proqnozu

“Londonda özümü əsirlikdə hiss edirəm” - Rusiyalı oliqarx

“Londonda özümü əsirlikdə hiss edirəm” - Rusiyalı oliqarx

Tarix: 17 Mart 2022 14:18

"Londondan getmək üçün özümə yeni ev ala bilmirəm. Bu səbəbdən də, özümü Böyük Britaniyada əsirlikdə hiss edirəm".

Milli.Az "Qafqazinfo"ya istinadən xəbər verir ki, bunu rusiyalı oliqarx Mixail Fridman Rusiyanın Ukraynaya qarşı hücumu səbəbindən sanksiyalara məruz qaldıqdan sonra "Bloomberg Businessweek" nəşrinə müsahibəsində deyib.

O bildirib ki, ölkədə sahib olduğu kart və hesabları bloklandığından, hətta evində təmizlik xidmətinin haqqını ödəyə bilmir.

İş adamının sözlərinə görə, Londonda sahib olduğu malikanədən, Moskvadakı evdən və Latviyada valideynləri üçün nəzərdə tutulan mənzildən başqa daşınmaz əmlakı yoxdur.

Bununla belə, rusiyalı oliqarx öz problemlərini Ukrayna sakinlərinin problemləri ilə müqayisədə "heç nə" adlandırıb.

Qeyd edək ki, "Forbes"in ən son reytinqində Mixail Fridmanın sərvəti 15,5 milyard dollar olaraq qiymətləndirilib.

Milli.Az


Etiketlər:  Londonda özümü əsirlikdə hiss edirəm Rusiyalı oliqarx


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ